زراعة البطاطا فى الماء بسهولة من اى بطاطا فى المنزل



زراعة البطاطا الحلوة فى الماء بسهولة. مرات كثيرة بيزيد بطاطا و نضطر ان نرميها مع انها ممتازه فى ديكور المنزل او للأكل و

 الزراعة. شاركنا فى التجربة الممتعة. ازرع البطاطا او استخدمها فى الديكور فى المنزل. 



محتوى الفيديو:

النهاردة ها قول لك عن طريقة ممتازة لزراعة البطاطا الزيادة فى المنزل. انا كنت حطيت صورة على الأنستجرام كايرو جاردن  و الصورة حققت مشاهدات عالية فقررت انى اعمل فيديو عنها. زى مانتو شايفين فى الصورة هى عبارة عن بطاطا انا بس اخدت البطاطا و حطيتها فى ماية. طبعا البطاطا نبات جذر على عكس زراعة البطاطس البطاطس ما ينفعش تحطها فى مايه البطاطس بتنمو بطريقة مختلفة. انت بتدفن البطاطس و هى بتكتر على عكس البطاطا جذرية يعنى بتنمو فى الجذور. البطاطا عبارة عن جذر انت بتاخد الجزر ده و تحطة فى ماية ها يطلعلك ورق اخضر زى الفى الصورة و فى اخره جزء موف. الجزء الموف ده هو البطاطا. 

لو عايز تكتر البطاطا او عايز تزرعها فى طريقة ممتازة و سهلة جدا. ها تحطها فى ماية لحد لما تطلع ورق اخضر و الورق يطلع كده و يبقى كبير. الورق لما يبقى بالشكل ده ممكن يستخدم فى الديكور مثلا بسبب الشكل الغير تقليدى. لما تحطة جنب شباك مثلا بيبقى شكله حلو جدا. 

فى طريقة تانية لو انت عايز تزرع البطاطا. ها تسيب البطاطا لحد اما تطلع ورق اخضر زى الصورة كده و بعد كده ها تجيب مقص او كاتر و ها تيجى عند الحتة الصغيره الموف الانت شايفها فى الزرعة فى الصوره و قصها او تقطعها. الجزء ده بيبقى فيه نقط بيضه كل ده لما بتخطه فى الماية بيطلع جذور. ها تاخد ورقة البطاطا الحلوة دى و تحطها فى الماية. الجزء ده ها يتحول لبطاطا. ها نستنى لما الجذور تطلع. الفرع ده من البطاطا مثلا انا حاطيته لمدة يومين و الجذور طلعت. ها تستنى لما جذور البطاطا تكبر شوية و بعد كده بتحطها ف تربة رملية بلاش طينية علشان تكبر براحتها. و انا بحطها جنب الشباك مش حاتطها بره.

انا لاحظت ان لما بتحط اراف البطاطا جنب الشباك فى المايه الورق بيطول على عكس لو حطيتها بره. لو حطيتها بره مش ها تحتاج انها تكبر. و فى بطاطا انا حطيت الطرف فى تربة بس من غير ماحطها في ماية و هي طلعن بدون مشكلة. البطاطا الفى الصوره دى انا حطيتها فى الشمس من الأول فازى ماهو واضح الفروع مش طويلة. فانا هاستنى انها تطول شوية و بعدين ها حطها فى مايه.  

بس برضو البطاطا الحلوة الطالع منها اوراق خضرا شكلها حلو و ممكن تتحط جنب شباك او حاجة لحد اما الفروع تكبر و بعد كده ممكن تستخدمها بالشكل الانتا عايزه. ممكن تزرع البطاطا و ممكن تسيبها يبقى شكلها حلو. 

للأسأله ادخل على صفحتنا على الفيس بوك:

https://www.facebook.com/cairogardener

تابعنا على instagram 

https://www.instagram.com/cairogarden/

شاهد فيدوهاتنا الأخرى: 

٦ نباتات تنقى الهواء فى المنزل

https://m.youtube.com/watch?v=LYQf4urmCz4

زراعة افضل نبات ظل فى المنزل

https://m.youtube.com/watch?v=Q-g-9Z3miEY

زراعة الزهور فى الماء 

https://m.youtube.com/watch?v=55OQ_8VZFOc

اشترك فى القناة subscribe لتتمكن من مشاهدة كل فيديوهاتنا الجديدة

بالتوفيق
cairogarden.com


Comments

Popular Posts